Հունվարի 26-ին Սպիտակ տան մարգագետնում հայտնաբերված անօդաչու թռչող սարքը կառավարել է ԱՄՆ-ի Հետախուզության ազգային գործակալության աշխատակիցներից մեկը:
Թե ինչ կերպ է այդ սարքը է է հայտնվել նախագահի նստավայրի տարածքում, չի հաղորդվում: Գործակալությունը հաղորդում է, որ միջադեպի հետաքննություն է իրականացվում, հայտնում է «ՌԻԱ Նովոստին»:
Ավելի վաղ, ԱՄՆ-ի Գաղտնի ծառայության ներկայացուցիչները նաեւ հաղորդել էին, որ անօդաչու թռչող սարքը պատկանում է ոմն պետական ծառայողի, ով կորցրել է սարքի նկատմամբ վերահսկողությունը:
Նրանց խոսքով՝ դաշնային գերատեսչությունների աշխատակիցն մեղայականով ներկայացել է Գաղտնի ծառայություն եւ խոստովանել, որ անօդաչուն գործարկել է հանուն զվարճանքի, սակայն չի կարողացել կառավարել այն, եւ սարքը հայտնվել է Սպիտակ տան մոտ: Սահմանը հատելու ժամանակ պահակները անմիջապես նկատել են անօդաչուին եւ իսկույն տագնապ հայտարարել: Մինչեւ սարքի լիարժեք հետազոտումն ու ոչնչացումը Սպիտակ տան մուտքը վայրկենապես փակվել է: Միջադեպը տեղի է ունեցել ուշ գիշերը եւ դեռեւս հայտնի չէ, թե ինչու է անօդաչուի տերն այն գործարկել այդ ժամին: Այլ մանրամասներ, այդ թվում՝ անօդաչու թռող սարքը գործարկողի մասին, նույնպես չեն հաղորդվում, հայտնում է «ՏԱՍՍ»-ը:
ԱՄՆ-ի նախագահ Բարաք Օբաման միջադեպի պահին բացակայել է Սպիտակ տանից: Ավելի ուշ հեռուսալիքներից մեկին տված հարցազրույցի ժամանակ նա խոստովանել էր, որ խոսքը «լայն խնդրի» մասին է:
