Ամերիկյան Ֆլորիդա նահանգի բնակիչ Էլիս Հաթսոնը ցնցվել է, երբ իր տան շեմին տեսել է իր Բարթա կատվին: Տղամարդը վստահ էր, որ իր սիրելի կենդանին մահացել է: Նա իր աչքերով է տեսել արյան լճակի մեջ պառկած կատվին, որին հարվածել էր մեքենան: Հաթսոնն իր ձեռքերով թաղել էր կենդանուն:
Այդ օրից անցել է 5 օր: Կատվի տերը չի կարողանում բացատրություն գտնել տեղի ունեցածին: Փոխարենը կենդանաբույժները ամենաֆանտաստիկ վարկածներ են առաջ քաշում:
Նրանց խոսքով, հնարավոր է, ավտովթարից հետո կատուն պարզապես եղել է անգիտակից վիճակում եւ ուշքի է եկել արդեն գերեզմանում: Ինչ-որ կերպ նա կարողացել է ճանկերով իր համար ճանապարհ բացել ու դուրս գալ հողի տակից: Մի քանի օր նա մնացել է այդպես պառկած, իսկ երբ ուշքի է եկել ու քաղց զգացել, վերադարձել է տուն:
Կատուն տիրոջ մոտ է վերադարձել շատ անմխիթար վիճակում: Նա գլխի ծանր վնասվածք ունի, կոտրված է ծնոտը, չկա աչքերից մեկը: Մասնագետները նշում են, որ կենդանին կապրի, գրում է The Independent-ը: