Ուկրաինայի նախագահ Պյոտր Պորոշենկոն ԱՄՆ փոխնախագահ Ջոզեֆ Բայդենի հետ քննարկել է Գերմանիայում կայանալիք հանդիպումը, հայտնում է Ուկրաինայի նախագահի կայքը։
«Պյոտր Պորոշենկոն եւ Ջոզեֆ Բայդենը պայմանավորվել են երկկողմ հանդիպում անցկացնել Մյունխենի անվտանգության հարցերով խորհրդաժողովի շրջանակում, որը կկայանա փետրվարի 6-8-ին, եւ քննարկել են հանդիպման նախապատրաստությունը», - ասված է հաղորդագրությունում։
Ուկրաինայի նախագահ Պյոտր Պորոշենկոն ԱՄՆ փոխնախագահ Ջոզեֆ Բայդենին շնորհակալություն է հայտնել 2 մլրդ դոլարի վարկային երաշխիքների համար եւ նշել, որ օնությունն Ուկրաինային թույլ կտա կայունացնել մակրոտնտեսական վիճակը եւ ցրել ֆինանսական շուկայի լարվածությունը։
Զրուցակիցները քննարկել են ԱՄՆ-ի կողմից Ուկրաինային հետագա տեխնիկական օգնություն հատկացնելու հնարավորությունը։ Բայդենը հավանություն է տվել Դոնբասում Ուկրաինայի նախագահի գործողություններին եւ հայտարարել ՌԴ-ի դեմ պատժամիջոցներն ընդլայնելու հնարավորության մասին՝ իրավիճակի սրացման դեպքում։