Անհայտ անձինք հենց ճանապարհի վրա խողխողել են ֆուրգոնի վարորդին:
Հունվարի 28-ի ցերեկը ոստիկանություն են զանգահարել ականատեսները եւ հայտնել, որ Մոսկվայի օղակաձեւ ավտոմոբիլային ճանապարհին՝ Ժուլեբինոյի շրջադարձի մոտակայքում, կանգնած է Hyundai Porter ֆուրգոն ավտոմեքենա, եւ երկու տղամարդիկ փորձում են ղեկից հեռացնել վարորդին, «Ինտերֆաքսին» հայտնել է իրավապահների աղբյուրը:
Ոստիկանության ժամանման պահին կասկածյալները դեպքի վայրում չեն եղել: Ավտոմեքենայում գտնվել է վարորդի դին, որը Մերձմոսկվայի 36-ամյա բնակիչ է: Տղամարդու մարմնին դանակահարության մի քանի հետք է եղել:
