Microsoft ընկերության հիմնադիր Բիլ Գեյթսը մտահոգված է արհեստական ինտելեկտի տեխնոլոգիների զարգացմամբ:
«Ես այն ճամբարում եմ, որը մտահոգված է գերինտելեկտի զարգացման հեռանկարով: Սկզբում մեքենաները մեր փոխարեն կիրականցնեն աշխատանքի մեծ մասը, սակայն գերինտելեկտով օժտված չեն լինի: Մի քանի տասնամյակ անց արհեստական ինտելեկտը բավականին զարգացում կապրի, ինչը կարող է անհանգստության պատճառ դառնալ», - հայտարարել է Գեյթսը:
Նա նշել է, որ այս համատեքստում համաձայն է Tesla ընկերության հիմնադիր Էլոն Մասքի եւ ֆիզիկոս-տեսաբան Սթիվեն Հոքինգի հետ:
Ավելի վաղ Հոքինգը հայտարարել էր, որ արհեստական ինտելեկտի համակարգերի զարգացումը սպառնում է մարդկությանը եւ մտավախություն հայտնել, որ մոտ ապագայում կստեղծվեն մեքենաներ, որոնք ունակ կլինեն գերազանցել մարդուն:
Հատկանշական է, որ արհեստական ինտելեկտի տեխնոլոգիաների զարգացմամբ զբաղվում է նաեւ Գեյթսի ստեղծած Microsoft-ը, նկատում է Lenta.ru-ն:
