Նավթի համաշխարհային գները միաժամանակ աճում եւ նվազում են՝ շուկայում առաջարկի ավելցուկի ֆոնին: Այս մասին են վկայում Լոնդոնի եւ Նյու Յորքի բորսաների արդյունքները:
Մասնավորապես, Մոսկվայի ժամանակով 11.35-ին Brent նավթի գինն աճել է 0,16%-ով՝ մինչեւ 48,55 դոլար, փոխանցում է Gazeta-ն:
Նույն այդ ընթացքում WTI նավթն էժանացել է 0,24%-ով եւ սակարկվում է բարելի դիմաց 44,34 դոլարի մակարդակում:
Նախօրեին նավթի գները նվազել էին՝ ԱՄՆ-ում նավթի առեւտրային պաշարների ավելացման ֆոնին:
ԱՄՆ-ի էներգետիկայի նախարարությունը հունվարի 28-ին տվյալներ էր հրապարակել երկրում նավթի առեւտրային պաշարների մասին: Մեկ շաբաթում աճը կազմել է 8,9 մլն բարել՝ 2,2%, նավթի առեւտրային պաշարները հասել են 406,7 մլն բարելի: