ԵՏՄ-ի բոլոր հնարավոր առավելությունների շրջահայաց օգտագործումը կօգնի Հայաստանին: Այս մասին, այսօր՝ հունվարի 29-ին, լրագրողների հետ հանդիպման ժամանակ նշել է տնտեսագիտական գիտությունների թեկնածու, «Այլընտրանք» հետազոտական կենտրոնի տնօրեն Թաթուլ Մանասերյանը:
Նրա խոսքով՝ ԵՏՄ անդամակցության պոտենցիալ առավելություններն են Ռուսաստանի տնտեսության հետ ինտեգրումը եւ արտահանման ավելացումը, որը պետք է օգտագործել առավելագույնս արդյունավետ:
Տնտեսագետը նշել է, որ պետք է հաշվի առնել, որ աճում է նաեւ բնակչության շարժունակությունը: Դեպի ԵՏՄ երկրներ մեկնելն ավելի կհեշտանա, քան հիմա է:
«Չպետք է մոռանալ, որ մենք ապրում ենք ավելի դինամիկ աշխարհում, իսկ դա նշանակում է, որոշումներն ավելի սթափ պիտի լինեն»,-հավելել է նա: