Ադրբեջանական կողմը հերթական անգամ անհարգալից վերաբերմունք է ցուցաբերել հրադադարի ռեժիմի պահպանման հարցում եւ սկսել կրակել ԵԱՀԿ ներկայացուցիչների ներկայությամբ: Դիտարկումը տապալվել է հունվարի 29-ին՝ Բերքաբեր գյուղի շրջանում: Դիտարկման բուն ընթացքի ժամանակ խախտումներ չեն արձանագրվել, սակայն ավարտից անմիջապես հետո ադրբեջանական կողմը կրակ է բացել:
Խախտումն առաջինը արձանագրել է հայկական կողմը եւ տեղեկացրել ԵԱՀԿ-ին:
Նշենք, սկզբնապես դիտարկումը նախատեսվում էր Ոսկեպարի ուղղությամբ (Նոյեմբերյանի շրջան): Սակայն ադրբեջանական կողմի պահանջով դիտարկման վայրը փոխվել էր:
Ադրբեջանական կողմը նախկինում էլ տարբեր պատրվակներով փոխել էր դիտարկման վայրը կամ ընդհանրապես հրաժարվել դրանից: Այս անգամ Բաքուն որոշել է սադրանքի դիմել եւ խախտման մեջ մեղադրել հայկական կողմին: Բացի այդ, հունվարի 28-ի լույս 29-ի գիշերը Ադրբեջանի ԶՈՒ-ն Ոսկեպար-Կիրանց հատվածում գնդակոծել է քաղաքացիական ավտոմեքենա: Բարեբախտաբար, մեքենայում գտնվողները չեն տուժել: