Բելառուսի նախագահ Ալեքսանդր Լուկաշենկոն հնարավոր է համարում, որ Բելառուսը կարող է դուրս գալ ԵՏՄ կազմից, հաղորդում է «Բելտա»-ն:
Նրա խոսքով՝ դեպքերի նման զարգացում հնարավոր է եթե շարունակվի առեւտրային պատերազմը Ռուսաստանի հետ: Լուկաշենկոն հիշեցրել է, որ Ռուսաստանում արգելված ԵՄ երկրների ապրանքների վերաարտահանման կասկածանքով, սահմանափակվել է ներմուծումը Բելառուսից:
Լուկաշենկոն իր հերթին այդ սահմանափակումները ԵՏՄ կանոնների խախտում է համարում: «Եթե համաձայնագրերը չկատարվեն, Բելառուսը չի բացառում ԵՏՄ-ից իր դուրս գալու հնարավորությունը»,-հայտարարել է Բելառուսի նախագահը:
Նրա խոսքով՝ պետք է հիմար լինել՝ Ռուսաստանի հողերին հավակնելու համար: «Դա իրական չէ: Պետք է հանգստանալ եւ հասկանալ, որ դա կատակ էր եւ ոչ ավելին: Բայց եթե ինձնից հետո ինչ-որ մեկը գելխը կորցնի, ես կարծում եմ, բելառուս ժողովուրդը թույլ չի տա գործել նման կերպ»,-ասել է Լուկաշենկոն: