26 մարդ սպանվել, 30-ից ավելին վիրավորվել են Սինայի թերակղղզու հյուսիսում հարձակումների շարքի հետեւանքով, որտեղ Եգիպտոսի անվտանգության ուժերը մարտնչում են իսլամիստների դեմ։

Գրոհայինները Հյուսիսային Սինայի մայրաքաղաք Էլ Արիշում ոչնչացրել են ռազմական օբյեկտներ՝ ականապատ ավտոմեքենայի եւ ականանետների օգնությամբ։ Զոհվել են զինվորներ եւ խաղաղ բնակիչներ, հայտնում է BBC-ի ռուսական ծառայությունը։

Հարձակման պատասխանատվությունը ստանձնել է ԻՊ-ի գրոհայինների հետ կապված մի խմբավորում: Խմբավորման անդամները եգիպտացիներին կոչ են արել բողոքել նախագահ Սիսիի դեմ:
Վերջին երկու տարիներին Սինայի տարբեր թաղամասերում պարբերաբար բախումներ են տեղի ունենում իսլամիստների եւ կառավարական զորքերի միջեւ: