Ադրբեջանական կողմը մտադիր է հետամուտ լինել Մարդու իրավունքների եվրոպական դատարանում դիվերսիոն-հետախուզական խմբի անդամների՝ Դիլհամ Ասքերովի եւ Շահբազ Գուլիեւի գործի քննմանը:
ԱՊԱ-ն, վկայակոչելով «Ադրբեջանի իրավական բարեփոխումների կենտրոն» Հասարակական միության նախագահ Անար Բագիրովին, հայտնում է, որ համապատասխան դիմումն ուղարկվել է ՄԻԵԴ. «Ա. Բագիրովը նշել է, որ դիմումին կցվել են նրանց իրավունքների խախտման, կտտանքների, անմարդկային վերաբերմունքը փաստող լուսանկարներ եւ այլ փաստեր», հայտնում է պարբերականը: Թե որտեղից ադրբեջանական կողմը կարող է նման փաստեր ունենալ՝ անհասկանալի է: Ամենայն հավանականությամբ «ապացույցները » կեղծված են: Բագիրովի խոսքով՝ դիմումը դատարանը ստացել է հունվարի 13-ին:
Նշենք, որ ԼՂՀ առաջին ատյանի դատարանը 2014թ.-ի դեկտեմբերի 29-ին Գուլիեւին դատապարտել էր 22, իսկ Ասկերովին ցմահ ազատազրկման:
Հիշեցնենք, որ Դիլհամ Ասկերովին մեղադրանք էր առաջադրվել Լեռնային Ղարաբաղի քրեական օրենսգրքի 7, իսկ նույն երկրի քաղաքացի Շահբազ Գուլիեւին ՝ 5 հոդվածների հատկանիշներով։ Նրանք մեղադրվում են ազգային ատելության շարժառիթներով մարդուն առեւանգելով սպանելու, կազմակերպված խմբի կողմից անչափահասի նկատմամբ զենքի գործադրմամբ բռնություն գործադրելու, լրտեսության, Ղարաբաղի պետական սահմանը կազմակերպված խմբի կողմից հատելու, հրազեն եւ ռազմամթերք կրելու մեջ։ Դիլհամ Ասկերովին նաեւ կազմակերպված խմբի կողմից ազգային ատելության շարժառիթով երկու անձանց սպանության փորձի մեղադրանք էր առաջադրվել։