«Մոսֆիլմ» կոնցեռնի գլխավոր տնօրեն, Ռուսաստանի ժողովրդական արտիստ Կարեն Շախնազարովն առաջարկել է մահմեդական տոներից մեկը Ռուսաստանում հանգստյան օր հռչակել:
Նրա խոսքով՝ երկրում «մեծ քանակությամբ անիմաստ տոներ կան»: «Օրինակ, ես չեմ ճանաչում Ռուսաստանի անկախության օրը, այն միշտ է պաշտպանել իր անկախությունը: Ինչու մահմեդականներին մեկ օր չառանձնացնել, եւ բոլորի համար հանգստյան օր կլինի», - հարցադրում է կատարել Շախնազարովը:
«Մահմեդականները դա կգնահատեն: Մարդիկ պետք է հասկանան, որ ապրում են մի երկրում. եւ նրանք հայրենակիցներ են», - հայտարարել է Շախնազարովը:
2015թ. մահմեդականները 15 տոնական օր ունեն: Ռուսաստանի մի շարք շրջաններում մուսուլմանական գլխավոր տոները՝ Ղուրբան-Բայրամը եւ Ուրազա-Բայրամը, հանգստյան օրեր են:
