Ուկրաինական ճգնաժամը չի հանգեցրել Հավաքական անվտանգության պայմանագրի կազմակերպության (ՀԱՊԿ) անդամ-երկրների հարաբերությունների վատթարացմանը: Այդ մասին հայտարարել է ՀԱՊԿ-ի գլխավոր քարտուղար Նիկոլայ Բորդյուժան:
«ՀԱՊԿ-ի շրջանակներում պետությունների միջեւ ոչ մի սառեցում չեմ զգացել եւ չեմ զգում, հակառակը. բոլորը շատ ակտիվ են», - հունվարի 30-ին կայաած մամուլի ասուլիսի ժամանակ հայտարարել է Բորդյուժան:
«Մի շարք դիրքորոշումների շուրջ մենք ունենք տարբեր հայացքներ, սակայն միջազգային կազմակերպության արվեստն էլ հենց փոխհամաձայնության որոնումն է, եւ դեռեւս այն մեզ հաջողվում է», - նշել է նա, հայտնում է «ՌԻԱ Նովոստին»:
ՀԱՊԿ-ն ստեղծվել է ԱՊՀ երկրների կողմից Հավաքական անվտանգության պայմանագրի հիման վրա, ստորագրված 1992թ. մայիսի 15-ին: ՀԱՊԿ-ի անդամ-երկրներն են Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը: Ուզբեկստանը 2012թ. հունիսին հայտարարել է, որ դադարեցնում է իր մասնակցությունը կազմակերպության գործունեությանը: