Հայաստանի ֆինանսների նախարարությանը հաջողվել է լիարժեք փոխհամաձայնության հասնել փոքր բիզնեսի ներկայացուցիչների հետ: Այդ մասին այսօր՝ հունվարի 30-ին, կառավարության նիստի ժամանակ հայտարարեց ֆինանսների փոխնախարար Վախթանգ Միրումյանը:
Նա հիշեցրեց, որ 2014թ. հունիսին խորհրդարանը փոփոխություններ է մտցրել «Շրջանառության հարկի մասին» օրենքում, որը փոքրի բիզնեսի ներկայացուցիչների համար տոկոսադրույքը 3,5%-ից իջեցնում է մինչեւ 1%՝ փոխարենը պահանջելով գործարքների ողջ փաստաթղթաշրջանառությունը:
Այնուհետեւ առեւտրականներին ժամանակ են տվել մինչեւ հոկտեմբերի 1-ը ձեռքբերված բոլոր ապրանքների գույքագրման համար: Գույքագրման վերջնաժամկետը մինչեւ 2015թ. փետրվարի 1-ն է:
Ընդ որում, Միրումյանն ընդգծել է, որ առեւտրականներից մանրամասն նկարագրություն չեն պահանջում. անհրաժեշտ է միայն ապրանքները նշել՝ըստ ամրագրված կատեգորիաների: Ֆինանսների նախարարությունը հանգամանորեն ներկայացրել է գույքագրման կարգը: Բացի այդ, առեւտրականները խոսում են նաեւ մեկ այլ խնդրի մասին. նրանցից մի քանիսը ապրանքները գնում են անմիջապես օտարերկրյա մատակարարներից, սակայն դրանք տրանսպորտային ընկերության միջոցով ուղարկում են այլ երկիր, ուստի մատակարարից չեն կարողանում ստանալ հաշիվ-ապրանքագիրը: «Այս դեպքերը նույնպես նախատեսված են: Գյուղատնտեսական ապրանքների փաստաթղթավորում, ինչպես եւ նախկինում, չի պահանջվում»: Գործնականում, մենք հավատարիմենք մեր պայմանավորվածություններին: Փոքր բիզնեսի ներկայացուցիչների կողմից նոր պահանջների մասին ինձ հայտնի չէ», - եզրափակեց Միրումյանը:
