ԱԺ նախկին պատգամավոր Հակոբ Հակոբյանի՝ Ճոյտի «Հիշողություն» ֆիլմը չի օգտագործվի Հայոց ցեղասպանության 100-րդ տարելիցի պաշտոնական միջոցառումների շրջանակում: Այս մասին Ցեղասպանության թանգարան-ինստիտուտում հունվարի 30-ին կայացած մամուլի ասուլիսում հայտարարել է ՀՀ նախագահի աշխատակազմի ղեկավար Վիգեն Սարգսյանը:
Հանձնաժողովը, ըստ նրա, պաշտոնական դիրքորոշում չունի այդ հարցում: «Ես կարծում եմ, որ գեղարվեստական տեսանկյունից ֆիլմը չունի այն ուժը, որը պետք է Հայոց ցեղասպանության փաստաթղթերի ներկայացման համար», - ընդգծել է Վիգոն Սարգսյանը:
Հիշեցնենք, ֆիլմի շնորհանդեսը կկայանա փետրվարի 10-ին Երեւանի «Մոսկվա» կինոթատրոնում: Ֆիլմի տեւողությունը 1 ժ. 45 րոպե է: Ֆիլմը նվիրված է Հայոց ցեղասպանության զոհերի հիշատակին:
