Փրկարար ծառայությունը հունվարի 30-ին, ժամը 14.12-ին ահազանգ է ստացել, որ Երեւանի Հ. Հակոբյան փողոցում` «Մերգելյան ինստիտուտի» մոտակայքում տեղի է ունեցել ՃՏՊ. բեռնատարը հարվածել է ծառին, ծառը շրջվել է մոտակա խանութի տանիքին. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բարդու ծառը ընկել է Հ. Հակոբյան փողոցի թիվ 3/10 հասցեում գտնվող խանութի տանիքին (խանութի ծածկը դեֆորմացվել է` 0,5 քմ), իսկ մոտակայքում գտնվող սյունը թեքվել է:
Հրշեջ-փրկարարները սահմանազատել են տարածքը:
«Երքաղլույս» ՓԲԸ-ի եւ Արաբկիր վարչական շրջանի կոմունալ բաժնի աշխատակիցները ծառը մասնատել եւ տեղափոխել են անվտանգ տարածք:
