Վրաստանի արտգործնախարար Թամար Բերուչաշվիլին, որն այժմ ԱՄՆ-ում է, «Ազատություն» ռադիոյի հետ հարցազրույցում անդրադարձել է Ռուսաստանի հետ առեւտրային հարաբերությունների մասին թեմային: Նա ռուսական շուկան անվանել է «բավական անկանխատեսելի» եւ նշել, որ Վրաստանի իշխանությունները այն «թակարդ» են համարում:
Ըստ «Ազատություն» ռադիոյի՝ Բերուչաշվիլին հայտարարել էր, որ Վրաստանը ժամանակավորապես դադարեցրել է երկխոսությունը Ռուսաստանի հետ, քանի որ Ռուսաստանն ամեն պահ կարող է էմբարգո կիրառել:
Վրաստանում այս հայտարարությունը թյուրիմացաբար են ընկալել:
Ավելի ուշ արտգործնախարարը հայտնել է, որ ռադիոյի լրագրողները սխալ են ներկայացրել իր խոսքերը, փոխանցում է «Գռուզիա Օնլայնը»:
Միայն ՌԴ փոխարտգործնախարար Գրիգորի Կարասինի եւ Վրաստանի վարչապետի Ռուսաստանի հարցերով հատուկ ներկայացուցիչ Զուրաբ Աբաշիձեի բանակցությունների ձեւաչափն է դադարեցվել, ասել է նա:
