ՆԱՏՕ-ի գլխավոր քարտուղար Յենս Սթոլթենբերգը հաստատել է Արեւելյան Եվրոպայի վեց երկրներում Հյուսիսատլանտյան դաշինքի հրամանատարական կետեր ու արագ արձագանքման ուժեր տեղակայելու ծրագրերը: Խոսքը Էստոնիայի, Լատվիայի, Լիտվայի, Ռումինիայի, Լեհաստանի եւ Բուլղարիայի մասին է։
Ակնկալվում է, որ այդ հարցում վերջնական որոշում կընդունվի ՆԱՏՕ-ի դաշնակից երկրների պաշտպանության նախարարների հանդիպման ժամանակ, որը փետրվարի 5-ին անցկացվելու է Բրյուսելում, հայտնում է «ՌԻԱ Նովոստին»:
Սթոլթենբերգի խոսքով՝ այդ հրամանատարական կետերը ազգային զորքեր ու ՆԱՏՕ-ի զորքերի միջեւ կապող օղակ կդառնան: Նաեւ կանցկացվեն համատեղ զորավարժություններ ու պլանավորում:
Հունվարի 28-ին ԱՄՆ պետքարտուղարի՝ Եվրոպայի ու Եվրասիայի հարցերով օգնական Վիկտորյա Նուլանդը հայտարարել էր, ՆԱՏՕ-ի կողմից Ուկրաինային սահմանակից եվրոպական երկրներում հրամանատարական կետեր ու արագ արձագանքման ուժեր տեղակայելու անհրաժեշտության մասին:
