Հավաքական անվտանգության պայմանագրի շրջանակներում ստեղծվում է հանձնաժողով, որը կզբաղվի ռազմական արտադրանքի ներմուծման փոխարինման ծրագրով, այդ թվում նաեւ՝ Ուկրաինայում։ Այդ մասին լրագրողներին հայտարարել է Կազմակերպության գլխավոր քարտուղար Նիկոլայ Բորդյուժան։
«Ռազմատեխնիկական համագործակցության հարցերով զբաղվող միջպետական հանձնաժողովի վերաբերյալ փոփոխություններ են իրականացվել, եւ այժմ այդ հանձնաժողովի անդամները կլինեն անդամ-երկրների փոխվարչապետները, ովքեր պատասխանատու են ռազմաարդյունաբերական համալիրի համար։ Դա թույլ կտա հաշվի առնել եւ առավելագույնս օգտագործել նախկինում Ուկրաինայում արտադրվող ռազմական տեխնիկայի եւ սարքավորումների արտադրության՝ ՀԱՊԿ պետություններում գոյություն ունեցող բոլոր հնարավորությունները, տարածքում», -հայտարարել է Բորդյուժան։
Նրա խոսքով նման հնարավորություններ ունեն Ղազախստանը, Բելառուսը, Հայաստանը, Ղրղզստանը։
«Դա հանձնաժողով է, նրա գործունեությունը ամենից առաջ ամփոփվում է ներմուծման փոխարինման ծրագրի իրացման մեջ։ Դատելով ամենից՝ այն կղեկավարի ՌԴ-ի փոխվարչապետ Դմիտրի Ռոգոզինը», - ասել է Ն. Բորդյուժան։
