Հանրապետական Միթ Ռոմնին հայտարարել է, որ 2016-ին չի առաջադրվելու ԱՄՆ նախագահական ընտրություններում:
«Երկար մտորումներից հետո ես որոշեցի, որ ավելի լավ կլինի հնարավորություն տալ մեր կուսակցության այլ առաջնորդներին դառնալ մեր հաջորդ թեկնածուն»,-ասել է Ռոմնին, հաղորդում է The New York Times-ը:
Հիշեցնենք, որ Ռոմնին 2008 եւ 2012 թվականներին մասնակցել է ԱՄՆ նախագահական ընտրություններին: Առաջին դեպքում նա հանել էր իր թեկնածությունն հօգուտ հանրապետական Ջոն Մաքքեյնի, իսկ երկրորդ դեպքում պարտվել էր Բարաք Օբամային:
Ռոմնին զբաղեցրել է Մասաչուսեթսի նահանգապետի պաշտոնը 2003-2007 թվականներին: