Կամբոջայի Անգկոր-Վաթ վանական համալիրում երեք ֆրանսիացիների են ձերբակալել՝ տաճարում մերկ ֆոտոսեսիա կազմակերպելու համար:

Ֆրանսիացի զբոսաշրջիկներին անվտանգության ծառայության աշխատակիցները հայտնաբերել են ամենից անհարմար պահին. Եվրոպայից հյուրերը մտել են հնագույն Բանթայ Քդեյ տաճար, մերկացել եւ նյու ոճով ֆոտոսեսիա կազմակերպել: Զբոսաշրջիկներին հանձնել են տեղական ոստիկանությանը:

Տեղի իշխանության ներկայացուցիչների փոխանցմամբ, տաճարում մերկ լուսանկարահանումները վիրավորական են բազմաթիվ ուխտավորների համար: Այս մասին գրում է Lenta.Ru-ն՝ վկայակոչելով AFP-ին:

Անգկոր-Վաթը վանական համալիր է Կամբոջայում՝ նվիրված Վիշնա աստծուն, որն ընդգրկված է ՅՈՒՆԵՍԿՕ-ի համաշխարհային համաշխարհային ժառանգության ցանկում: