ԱՄՆ պետքարտուղար Ջոն Քերրիի այցը Ռուսաստան չեղյալ չի հայտարարվել, այն նախատեսված չի եղել: Այս մասին լրագրողներին հայտարարել է ԱՄՆ պետքարտուղարության ներկայացուցիչ Ջեն Փսակին:
«Դժվար է չեղյալ հայտարարել այցը, որն ամբողջությամբ նախատեսված չէր»,-ասել է Փսակին՝ մեկնաբանելով լրատվամիջոցների համապատասխան հրապարակումները: Սակայան նա չի ժխտել, որ նման այց նախապատրաստվում էր:
Միաժամանակ Փսակին հայտարարել է, որ պետքարտուղարությունը հույս ունի, որ Մյունխենում փետրվարի 6-8-ին կայանալիք կոնֆերանսի շրջանակներում երկկողմ հանդիպում տեղի կունենա Ջոն Քերրիի եւ ՌԴ ԱԳ նախարար Սերգեյ Լավրովի միջեւ:
Մինչ այդ կոնֆերանսը Քերրին կայցելի Կիեւ: Փետրվարի 5-ին նա հանդիպում կունենա Ուկրաինայի նախագահ Պյոտր Պորոշենկոյի, վարչապետ Արսենի Յացենյուկի, ԱԳ նախարար Պավել Կլիմկինի, ինչպես նաեւ Ուկրաինայի Գերագույն ռադայի պատգամավորների հետ:
Փսակիի խոսքով՝ ԱՄՆ պետքարտուղարի այցը կվկայի, որ ԱՄՆ-ը կայուն կերպով աջակցում է Ուկրաինային եւ նրա ժողովրդին: