18-ամյա Ռամալ Գրեմի հարազատները, որը սպանվել էր ոստիկանի ձեռքով, Նյու Յորքի իշխանություններից կստանան 3,9 մլն դոլարի փոխհատուցում:
Դեռահասի սպանությունը տեղի էր ունեցել 2012 թ. փետրվարին: Երկու ոստիկաններ տեսել էին, թե ինչպես է Գրեմը փողոցում ուղղում գոտին: Կարծելով, թե տղան զենք ունի, նրանք փորձել էին ձերբակալել նրան: Գրեմը տուն էր փախել, որտեղ վեճ էր ծագել: Արդյունքում սպա Ռիչարդ Հեսթը սպանել էր անզեն դեռահասին, հայտնում է Gazeta.ru-ն:
Վերջին ամիսներին մի քանի համանման դեպք է տեղի ունեցել. ամերիկացի ոստիկանները կրակել են անզեն քաղաքացիների վրա: Ամենաաղմկալին 18-ամյա սեւամորթ Մայքլ Բրաունի սպանությունն էր Ֆերգյուսոնում, որը բողոքի զանգվածային ցույցերի պատճառ դարձավ:
