«Իսլամական պետության» գերության մեջ գտնվող Ճապոնացի լրագրող Կենձի Գոտոյի հետ կապված իրավիճակը դեմ է առել փակուղու, հայտարարել է Ճապոնիայի փոխարտգործնախարար Յասուհիդե Նակայամուն, որը գտնվում է Ամմանի օպերատիվ շտաբում։
«Իրավիճակը փակուղային է դառնում», — փոխանցում է Koyodo-ն Նակայամայի պատասխանը՝ Կենձի Գոտոյի ազատման փորձերի վերաբերյալ հարցին, հայտնում է «ՌԻԱ Նովոստին»։
«Իսլամական պետության» գրոհայինները հունվարի 24-ին հրապարակել էին ճապոնացի մուս պատանդի՝ Հարունա Յուկավայի սպանված վիճակում լուսանկարները եւ տեսագրություն, որտեղ մյուս պատանդը ներկայացնում է ԻՊ-ի պահանջները։
Ահաբեկիչները Ճապոնիայի կառավարությանն առաջարկել են պայմանավորվել Հորդանանի ղեկավարության հետ, որտեղի բանտերից մեկում պահվում է Սաջիդա ար Ռիշավի անունով ահաբեկչուհին։
Ճապոնիայի կառավարությունը Հորդանանին խնդրել է աջակցել Գոտոյի ազատմանը, ի պատասխան՝ Հորդանանի իշխանությունները հայտարարարել են, որ պետք է համոզվեն, որ իրենց ՌՕՈՒ օդաչուն, որը եւս գերի է ընկել ԻՊ-ի մոտ, իրոք դեռ ողջ է։
Հունվարի 20-ին ահաբեկիչները հայտարարել էին, որ գերի են վերցրել Ճապոնիայի երկու քաղաքացիների՝ պահանջելով 200 մլն դոլարի գրավ։
Ավելի ուշ ԻՊ-ը հայտարարել էր գերիներից մեկի մահապատժի մասին։