Գերմանիայի կանցլեր Անգելա Մերկելը բացառել է Հունաստանի պարտքերը դուրս գրելու հնարավորությունը։ Մասնավոր վարկատուները, ըստ նրա, հրաժարվել են դուրս գրել պարտքերը, իսկ «բանկերը արդեն մի քանի միլիարդի պարտք են ներել Հունաստանին»։
«Ես պարտավորությունների հետագա դուրսգրման հնարավորություն չեմ տեսնում», — Մերկելի խոսքերն է փոխանցում Agence France-Presse-ը։
Ըստ Կանցլերի՝ Աթենքին ֆինանսական օգնության հատկացման պայմանը Հունաստանում բարեփոխումների շարունակումն է։
«Եվրոպան կշարունակի օգնել Հունաստանին եւ ճգնաժամից տուժած այլ երկրներին, եթե այդ երկրները ձգտեն բարեփոխումների իրականացման», - հավելել է նա։
Գերմանիան եւ ԵՄ այլ երկրներ մտադիր են սպասել Հունաստանի նոր կառավարության տնտեսական ծրագրին, հավելել է Մերկելը։
Հունաստանի ՍԻՐԻԶԱ կուսակցությունը հաղթել է հունվարի 25-ի ընտրություններում, այն պահանջել է Հունաստանի պարքերի վերաձեւակերպում կամ մասնակի չեղարկում: Այժմ Հունաստանի ընդհանուր պարտքը ՀՆԱ-ի մոտ 150% է:
Ավելի վաղ Եվրոպայի ԿԲ-ն հայտարարել էր, որ չի մասնակցելու Հունաստանի պարտքերը մասնակի չեղյալ հայտարարելուն կամ պարտքի վերաձեւակերպմանը:
