Ամերիկյան Թեննեսի նահանգի բնակիչը հունվարի 30-ին մեղադրվել է աֆրիկյան Գամբիա պետությունում պետական հեղաշրջում կազմակերպելու մեջ:
Մինեսոտա նահանգի շրջանային դատարանը միաժամանակ ԱՄՆ-ի եւ Գամբիայի երկքաղաքացիություն ունեցող 41-անհա Էլեջի Բերոուին մեղադրանք է առաջադրել երկրի կառավարության դեմ դավադրություն կազմակերպելու մեջ, հաղորդում է Associated Press-ը:
Հունվարի սկզբին մեղադրանք է առաջադրվել Գամբիայի երկու քաղաքացիներին՝ 46-ամյա Պապ Ֆաալուին եւ 57-ամյա Չերնո Նջեին: Քննության վարկածով՝ նրանք միմյանցից անկախ ուղեւորվել են Գամբիա՝ անկարգություններին մասնակցելու համար: Ենթադրվում է, որ Էլեջի Բերոուն դավադիրների առաջնորդներից մեկն է:
Դեկտեմբերի 30-ին զինված անձինք գամբիական Բանջուլ քաղաքում գրոհել են պետության նախագահի նստավայրը: Հարձակման պահին նախագահ Յայիա Ջամմեն արտերկրում:
Անհաջող փորձից հետո Ֆաալը նավակով փախել է հարեւան Սենեգել եւ ապաստան գտել ԱՄՆ-ի դեսպանատանը:
