2014 թ. դեկտեմբերի 23-ին հիվանդանոցից ոստիկանության Նոր Նորքի բաժնում հաղորդում էր ստացվել, որ «պոլիտրավմա, գանգուղեղային տրավմա եւ ալկոհոլային հարբածություն» ախտորոշմամբ բուժօգնության է տեղափոխվել 39-ամյա Արման Բ.-ն:

Ոստիկանության մամուլի ծառայությունից հայտնում են, որ մեկնած օպերատիվ խմբին նա հաղորդում էր տվել, որ նույն օրը, ժամը 01.00-ին, Արարատի մարզի Ավշար գյուղի խանութի մոտ, վիճաբանության ժամանակ, 3 անծանոթ անձինք ձեռքերով ու ոտքերով հարվածել են իր մարմնի տարբեր մասերին եւ պատճառել վնասվածքներ:

Ոստիկանության Արարատի բաժնի ծառայողների ձեռնարկած միջոցառումների շնորհիվ պարզվել է, որ Արման Բ.-ն վնասվածքները ստացել է 2014 թ. դեկտեմբերի 22-ին, ժամը 23.00-ի սահմաններում, Վեդի քաղաքում, 45-ամյա Գեւորգ Տ.-ի եւ 33-ամյա Էդիկ Մ.-ի հետ կենցաղային հարցերի շուրջ ծագած վիճաբանության ժամանակ:

Գեւորգ Տ.-ն եւ Էդիկ Մ.-ն ձերբակալված են:

Կատարվում է քննություն: