Մեր տանը նստել, երկու բաժակ բան ենք իրար հետ խմել, անպարկեշտ բաներ է թույլ տվել, տապոռով տվել եմ գլխին: Այս մասին ոստիկանությունում պատմել է Վահե Մուշադյանը:
Դեպքը տեղի է ունեցել հունվարի 23-ին, Վարդաշեն 6-րդ փողոցի տներից մեկում: Քաղաքացին ինքն է զանգահարել եւ հայտնել, որ մարդ է կացնահարել: Ոստիկանները, մեկնելով նշված հասցե, հայտնաբերել են կերուխումի հետ, անկողնում՝ կացնահարված, արնաքամվող տղամարդ: Արդյունքում մի հոգու անգիտակից վիճակով տեղափոխել են Էրեբունի հիվանդանոց, մյուսին՝ ոստիկանության Էրեբունի բաժին:
Պարզվել է, որ հանցագործությունը կատարել է Վահե Մուշադյանը, ով նախկինում դատապարտված է գողության եւ զինծառայությունից խուսափելու համար: Դեպքի առթիվ հարուցվել է քրեական գործ, նշանակվել են փորձաքննություններ, Վահե Մուշադյանը կալանավորված է:
Մանրամասները՝ տեսանյութում