ԱՄՆ-ի ճանապարհային անվտանգության ապահովագրական ինստիտուտը (IIHS) հրապարակել է վթարների հետեւանքով վարորդների մահացության մակարդակը՝ ավտոմեքենայի մակնիշով պայմանավորված։ Պարզվում է՝ վթարի զոհ դառնալու ամենամեծ սպառնալիքին ենթակա են Kia Rio, Nissan Tiida եւ Hyundai Accent ավտոմեքենաների վարորդները։ Ամենաանվտանգն են ամենագնացները եւ քրոսովերները, փոխանցում է RG.ru-ն:
IIHS-ի փորձագետները հաշվի են առել 2011 թ. մոդելային շարքի գրանցված մլն մեքենաների զոհված վարորդների ընդհանուր թիվը՝ 2009- 2012թթ.: Պարզվել է, որ Kia Rio-ի պայմանական մլն-ին բաժին է ընկել 149 մահ, Nissan Versa (Tiida) սեդանների դեպքում՝ 130, չորսդռնանի Hyundai Accent-ի դեպքում՝ 120:
Տասնյակում են նաեւ Chevrolet Aveo (99), երկդռնանի Hyundai Accent (86), Chevrolet Camaro cupe (80), Chevrolet Silverado 1500 Crew (79), երկդռնանի Honda Civic-ը (76), Nissan Versa (Tiida) hatchback (71), Ford Focus (70 զոհ՝ մլն մեքենայի դեպքում) մեքենաները: