Նորվեգիայում դատարանի առջեւ է կանգնել նախկին հոգեւորականը, որը 7 տարի շարունակ բարեգործական հիմնադրամի փողերը վատնել է մարմնավաճառների ծառայություններից օգտվելու համար: Արե Բլումհոֆը խոստովանել է, որ Betanien բարեգործական հիմնադրամից 15 մլն կրոն է ծախսել (շուրջ 2 մլն դոլար) Իսպանիայում մարմնավաճառների հետ անցկացրած երեկույթների համար:
«Դա կարծես հիվանդություն լիներ, թմրամոլություն»,- ասել է նա: Բլումհոֆը նաեւ խոստովանել է, որ ալկոհոլի հետ կապված խնդիրներ ունի:
FlashNord գործակալության փոխանցմամբ, երեկույթների ժամանակ մարմնավաճառները 1300-ից 1700 դոլար են ծախսել:
Betanien բարեգործական հիմնադրամի՝ Բլումհոֆի ղեկավարած բերգենյան մասնաճյուղը Հյուսիսային Նորվեգիայում հովանավորում է հիվանդանոցի, մանկապարտեզի եւ դպրոցի, ինչպես նաեւ ծերանոց եւ վերականգնողական կենտրոն ունի Իսպանիայի արեւելյան ափերին: Երեք տարի առաջ Հարալդ թագավորը Բլումհոֆին շքանշան էր շնորհել:
