ՄԱԿ-ի Պարենի համաշխարհային ծրագրի բուլղարացի 6 աշխատակիցներին, որոնք գերեվարվել էին «Սուդանյան ազգային-ազատագրական շարժման» ապստամբների կողմից, ազատ են արձակել: Այս մասին փետրվարի 1-ին տեղեկացրել է Բուլղարիայի ԱԳ նախարարությունը:
«Նրանք առողջ են եւ գտնվում են անվտանգության մեջ»,- հաղորդել է Բուլղարիայի ԱԳՆ ներկայացուցիչ Բետինա Ժոտեւան:
Ըստ ՌԻԱ Նովոստիի, խմբավորումը Բուլղարիայի 6 քաղաքացիներին պատանդառել էր հունվարի 26-ին, երբ նրանք ուղղաթիռով Հարավային Սուդանից ուղեւորվում էին Սուդանի Հանրապետության մայրաքաղաք Խարթում՝ տեխնիկական սպասարկում ստանալու համար: Նրանք վայրէջք էին կատարել խմբավորման վերահսկողության ներքո գտնվող տարածքում:
«Սուդանյան ազգային-ազատագրական շարժում-Հյուսիս» խմբավորումը գործում է 2011 թվականին, սուդանյան Հարավային Կորդոֆան եւ Երկնագույն Նեղոս նահանգներում:
