Ոստիկանության Լոռու մարզային վարչության ծառայողները, գողություն կատարելու կասկածանքով, ոստիկանության Տարոնի բաժին բերման են ենթարկել 24-ամյա Ադամ Մ.-ին:
Ոստիկանության մամուլի ծառայությունից հայտնում են, որ նա հայտնել է, որ 2014 թ. ամռանը իրենց թաղամասի բնակիչներ Գրիշայի եւ Կամոյի հետ, գողություն կատարելու նպատակով, գնացել են Վանաձոր քաղաքի Տիգրան Մեծի պողոտայում գտնվող պահեստային տարածք, որտեղ ինքը ցանկապատի մոտ հսկել է, իսկ մյուսները ցանկապատի վրայով մագլցելով` մուտք են գործել եւ գողացել ամրաններ:
Ձեռնարկվում են միջոցառումներ գողոնը հայտնաբերելու, տուժողին եւ Գրիշայի ու Կամոյի անձերը պարզելու եւ նրանց հայտնաբերելու ուղղությամբ:
Կատարվում է հետաքննություն: