Skoda ընկերությունը ներկայացրել է նոր սերնդի Fabia-ի «սպորտային» տարբերակը, որը սովորական մոդելից առանձնանում է ներքին եւ արտաքին առանձնահատուկ ձեւավորմամբ: Monte Carlo տարբերակի հրապարակային պրեմիերան կայանալու է մարտի սկզբին, Ժնեւի ավտոսրահում:
Նոր տարբերակը նախատեսում է առանձնահատուկ թափք, սեւ գույնի կողային հայելիներ, 16- կամ 17-դյույմանոց անվահեծեր եւ այլն:
Ըստ Motor-ի, Monte Carlo-ն առաջարկվելու է Fabia-ի նոր սերնդի ցանկացած տարբերակի շարժիչով: Այն ներառելու է 1.0 եւ 1.2 լիտրանոց բենզինե շարժիչ՝ 60-ից 110 ձիաուժ հզորությամբ, ինչպես նաեւ 70-104-ուժանոց դիզելային շարժիչ: