Հայոց ցեղասպանության 100-րդ տարելիցի առիթով ֆրանսիական Իսի լը Մուլինո քաղաքում փետրվարի 23-ին համաժողով կանցկացվի՝ «Հայոց ցեղասպանությունը, դրա պատմությունն ու ժառանգություն» թեմայով: Այս մասին տեղեկացնում է Իսի լը Մուլինոյի քաղաքապետարանի պաշտոնական կայքը:
Համաժողովին կմասնակցի պատմական գիտությունների դոկտոր, Ֆրանսիայի Ազգային գրադարանի համակարգող Միքայել Նիշանյանը:
Միջոցառման ընթացքում մանրամասն կդիտարկվեն Հայոց ցեղասպանության պատմական հիմքերը, կլուսաբանվեն 1915 թվականի ապրիլի 24-ի եւ դրան հաջորդած ամռան իրադարձությունները:
Կքննարկվեն նաեւ Հայոց ցեղասպանությանը նախորդած եւ դրան հաջորդած իրադարձությունները՝ 1895-1898 թվականների կոտորածներն ու Առաջին աշխարհամարտի քաղաքական ենթատեքստը: