Իրանը սպառնում է լքել Թեհրանի միջուկային ծրագրի շուրջ Արեւմուտքի հետ տարվող բանակցությունները, եթե մասնակիցները Իրանին պարտադրեն իրենց կամքը։ Այս մասին երկուշաբթի հայտնում է իրանական Press-TV հեռուստաալիքը՝ վկայակոչելով Իրան փոխարտգործնախարար Աբաս Արաքչիին։
«Իրանական կողմի գլխավոր ներկայացուցիչը հայտարարել է, որ Թեհրանը կարող է լքել բանակցությունները, եթե մյուս կողմերը շարունակեն Իրանի Իսլամական Հանրապետությանը պարտադրել իրենց կամքը»,-մեջբերում է հեռուստաընկերությունը։
Իրանի եւ «վեցնյակի» միջեւ բանակցությունները փետրվարի 20-ից ընթանում են Ժնեւում տարբեր ձեւաչափերով, գրում է «Ինտերֆաքս»-ը։
Հիշեցնենք, որ բանակցությունների նախորդ փուլը կայացել էր հունվարի 18-ին Ժնեւում։ Անցյալ տարվա նոյեմբերի 24-ին լրացել էր Իրանի եւ «վեցնյակի» միջեւ միջուկային հարցի շուրջ խնդիրների կարգավորման համար նախատեսված ժամկետը։Կողմերը պայմանավորվել էին երկարաձգել քննարկման ժամկետը։
Բանակցությունների նպատակը Իրանի միջուկային ծրագրի վերջնական կարգավորման հարցում համապարփակ համաձայնագրի մշակումն է։ Ըստ ձեռք բերած փոխհամաձայնության՝ համաձայնագիրը պետք է պատրաստ լինի մինչեւ հունիսի 30-ը։
