Հունգարիայում իշխող կոալիցիան՝ վարչապետ Վիկտոր Օրբանի գլխավորությամբ, կորցրել է որակյալ մեծամասնությունը խորհրդարանում:
ՖԻԴԵՍ կուսակցությունը՝ Օրբանի ղեկավարությամբ եւ նրանց միացած քրիստոնեա-դեմոկրատները 2010-ից խորհրդարանում պահպանում էին ձայների 2/3-ը, ինչը թույլ էր տալիս կառավարությանը սահմանադրության մեջ փոփոխություններ ենթադրող օրենքներ ընդունել: Իրավիճակը փոխվել է այս կիրակի Վեսպրեմ քաղաքում տեղի ունեցած լրացուցիչ ընտրություններից հետո, որտեղ հաղթել է անկախ թեկնածու Զոլթան Քեսը:
«Վեսպրեմի ընտրողներն արդարացրել են երկրի ողջ բնակչության սպասումները եւ վերջ են տվել ՖԻԴԵՍ-ի 2/3 մեծամասնությանը»,-ասել է Քեսը:
Երկրի վարչապետն արդեն հայտարարել է, որ մեծ նշանակություն չի տալիս այս ընտրություններին, քանի որ մոտ ապագայում չէր նախատեսում օրենքներ ընդունել, որը պահանջում է խորհրդարանի 2/3 մեծամասնությունը:
