ԱվտոՎԱԶ-ը ծրագրում է զգալիորեն՝ 10 անգամ ավելացնել նոր Lada Largus Cross-ի արտադրության ծավալները: Պատճառն ավտոմեքենայի մեծ պահանջարկն է:
Հիշեցնենք, որ փետրվարի 7-ին Տոլյատիում ներկայացվեց Lada Largus-ի քրոսովեր տարբերակը: Cross մոդիֆիկացիան թողարկվում է 5 եւ 7 տեղանոց տարբերակներով եւ երեք գույնով. սառցագույն, մոխրագույն կամ պլատինե: 5 տեղանոց տարբերակն արժե սկսած 553 հազար ռուբլուց, 7 տեղանոցը՝ 20 հազարով ավելի թանկ:
Փետրվարի 7-ին սկսել են նաեւ ավտոմեքենայի նախնական պատվերներ ընդունել, սակայն վաճառքում այն առայժմ չկա: Գործարանը ավտոսրահներ ընդամենը 30 մեքենա է ուղարկել: Ներկայում Տոլյատիում օրական մեկ ավտոմեքենա է արտադրվում: Մինչեւ փետրվարի վերջ ԱվտոՎԱԶ-ը ծրագրում է 200 Lada Largus Cross արտադրել, իսկ սերիական արտադրությունը կսկսվի մարտից: Նախատեսվում է տարեկան 10-20 հազար ավտոմեքենա թողարկել: