Հարավկորեական Hyundai Motor ընկերությունը Բեռլինում ցուցադրել է «Hyundai Tucson» նորացված քրոսովերը: Շնորհանդեսին ներկա լրագրողներին ընկերության ներկայացուցիչները պատմել են նորույթի առանձնահատկությունների, ինչպես նաեւ դիզայնի մասին:

Նոր Hyundai Tucson-ը Եվրոպայում ստեղծված մոդել է՝ եվրոպացի սպառողների համար: Հարկ է նկատել, որ մեքենան թողարկելու է Չեխիայում գործող Hyundai-ի գործարանը:

Ըստ Planet-today-ի, ավտոմեքենան սպորտային արտաքին ունի: Մեքենայում հանգիստ կարող է 5 ուղեւոր տեղավորվել:

2015 թվականի Hyundai Tucson-ը 135 եւ 176 ձիաուժ հզորությամբ 1.6 լիտր ծավալով բենզինե շարժիչ կունենա: Բացի այդ, մեքենան դիզելային 3 շարժիչ կունենա. 115 ձիաուժ հզորությամբ 1.7 լիտր ծավալով մեկ շարժիչ, ինչպես նաեւ 136 ու 184 ձիաուժ հզորությամբ երկու 2 լիտրանոց շարժիչ:

Նորույթի համաշխարհային պրեմիերան կայանալու է 2015 թվականի մարտի 3-ին, Ժնեւի ավտոսրահի շրջանակում: