Թուրքիայի հետ հարաբերությունների գրագետ դասավորումն ամրապնդել է Հայաստանի արտաքին քաղաքական կապիտալը։ Այդ մասին խորհրդարանում փետրվարի 23-ին հայտարարել է ՀՀԿ-ական պատգամավոր Արտակ Զաքարյանը՝ պատասխանելով ՀԱԿ խմբակցության ղեկավար Լեւոն Զուրաբյանի՝ Հայաստանում պետական կառավարման համակարգի ճգնաժամի հայտարարություն ընդունելու առաջարկին։
Ըստ Զաքարյանի, կան տնտեսական բարդություններ՝ պայմանավորված արտաքին եւ ներքին մի շարք պատճառներով, բայց դրանք պետական կառավարման համակարգի ճգնաժամ ասելը տեղին չէ։
«Շնորհիվ արդյունավետ եւ նախաձեռնողական քաղաքականության մեր հանրապետությունը կարողացել է դուրս գալ բոլոր իրավիճակներից, որոնք կարող էին հանրապետությունում ճգնաժամ առաջացնել»,- ասել է Զաքարյանը՝ նշելով, թե Թուրքիայի հետ հարաբերությունների գրագետ դասավորումն ամրապնդել է Հայաստանի արտաքին քաղաքական կապիտալը։ «Եթե չեք հավատում, Հայաստանում շուտով կայանալու է Եվրոնեսթի հերթական խորհրդարանական նստաշրջանը , որին մասնակցելու եվրոպական երկրների ավելի քան 40 պատգամավորներ։ Կարող եք հանցնել յուրաքանչյուրից եւ համոզվել»,- ասել է Զաքարյանը։
