Ռումինացի լուսանկարիչ Ռադու Զացիուն որոշել է գեղարվեստական յուրահատուկ տեսք հաղորդել մրգերին եւ բանջարեղենին՝ դրանք վերածելով ուտելի լամպերի: Նա հանում է պտուղների միջուկը եւ ներսում տարբեր չափերի լամպեր տեղադրում:
Որոշ մրգերի, ասենք՝ կիվիի, արքայախնձերի եւ ելակի պարագայում, դա համեմատաբար դյուրին է: Սակայն ավելի կարծր պտուղների, օրինակ՝ կարտոֆիլի կամ ծաղկակաղամբի դեպքում, լուսանկարիչը շաղափ է օգտագործում:
Տաղանդավոր լուսանկարչի նախագիծը կոչվում է «The Light Inside» («Լույս ներսում»): Հարկ է նկատել, որ ծրագիրը մեկնարկել է ինքնատիպ բառախաղի արդյունքում. «լամպ» բառը, գերմաներեն՝ «gluehbirne», բառացիորեն թարգմանելու դեպքում նշանակում է «լուսավոր տանձ»: