Օրերս Երեւանի կենտրոնում հերթական ավազակային հարձակումն է եղել, այս անգամ՝ շատ լավ կազմակերպված:
NEWS.am-ին հայտնի է դարձել, որ փետրվարի 22-ին, ժամը 08.30-ին Չեխովի եւ Բագրատունյաց փողոցների խաչմերուկում «Ջիպ» մեքենան կանգնել է տաքսի մեքենայի մոտ, մոտ 35-ամյա տղամարդը, նստելով տաքսի մեքենան, դանակի սպառնալիքով հափշտակել է վարորդի թեւնոցը ու գումար, իսկ դրանից հետո նստել է մեկ այլ մեքենա ու դիմել փախուստի:
Մեր տեղեկություններով՝ ավազակային հարձակում կատարողը աշխատում է մի ընկերությունում՝ որպես անվտանգության աշխատակից, իսկ հափշտակած թեւնոցն էլ ոսկի չի եղել:
Ոստիկանությունից NEWS.am-ին հայտնեցին, որ ձեռնարկված միջոցառումների շնորհիվ պարզվել են մեքենատերերի ինքնությունը, ինչպես նաեւ ավազակային հարձակում կատարած անձի ինքնությունը:
Կատարվում է քննություն:
