2014թ. Հայաստանի տարածքով IP-տրանզիտի հոսքը մեծացել է 20 տոկոսով։ Այս մասին փետրվարի 24-ին խորհրդարանում հայտարարել է Հանրային ծառայությունները կարգավորող հանձնաժողովի նախագահ Ռոբերտ Նազարյանը՝ ներկայացնելով հանձնաժողովի ամփոփ զեկույցը։
Միջազգային IP-տրանզիտի ընդհանուր ծավալը կազմել է 87 900 մեգաբիթ/վայրկյան կամ 1.2 անգամ ավել, քան 2013թ.։ Դրա շնորհիվ 2014թ. 32 տոկոսով նվազել է տարանցիկ սակագինը, հավելել է Նազարյանը։
«Մենք շարունակում ենք արդար մրցունակություն ապահովել հեռահաղորդակցության շուկայում ծառայությունների որակի բարելավման, այսինքն սպառողների շահերի համար»,- հավելել է Նազարյանը։