Հայաստանի քաղաքների ու գյուղերի 68,5 տոկոսում գործում են բջջային 3 օպերատորները: Այս մասին, այսօր՝ փետրվարի 24-ին ԱԺ-ում հայտարարել է ՀՀ Հանրային ծառայությունները կարգավորող հանձնաժողովի նախագահ Ռոբերտ Նազարյանը՝ ներկայացնելով Հանձնաժողովի 2014-ի հաշվետվությունը:
Նրա խոսքով՝ հանրապետության բնակավայրերի 23 տոկոսում հասանելի են երկու բջջային օպերատորները եւ միայն 8,5 տոկոսում հասանելի է միայն մեկ բջջային օպերատոր:
Բջջային կապով ապահովված է միջպետական մայրուղու երկարության 97 տոկոսը:
Գրեթե ավարտված է ֆիքսված հեռախոսակապի ցանցի արդիականացումը:
