Բրիտանական Morgan ընկերությունը հրապարակել է իր նոր սպորտային ավտոմեքենայի երկրորդ հոլովակը: Մեքենան ներկայացվելու է մարտի 3-ին, Ժնեւի ավտոսրահում: Այս անգամ երեւում է մեքենայի ուրվագիծը: Այլ տեղեկություններ առայժմ չեն հաղորդվում:
Սպորտային այս մեքենան կդառնա 2014 թվականի ապրիլից ի վեր բրիտանական ընկերության թողարկած առաջին արտադրանքը: Վերջին անգամ ընկերությունը ներկայացրել է Plus 8 ռոդսթերի հատուկ տարբերակը՝ Speedster թափքով:
Ըստ Motor-ի, անցյալ տարվա աշնանն էլ Morgan-ը եզակի օրինակով թողարկել էր SP1 մոդելը, որը պատրաստվել է անհայտ հաճախորդի պատվերով: Մեքենայի կմախքը հացենուց եւ աֆրիկյան վարդափայտից է: