Դատարանն Apple-ին պարտավորեցրել է 532.9 մլն դոլար վճարել՝ թեխասյան Smartflash LLC ընկերությանը պատկանող պատենտը խախտելու համար: Այս մասին տեղեկացնում է Reuters-ը:
Պատենտը խախտելու վերաբերյալ հայցը ներկայացվել է 2013 թվականի մայիսին: Այն վերաբերում է iTunes-ում ներբեռնված խաղերի, տեսանյութերի, երաժշտության հասանելիությանն ու պահպանմանը: Հայցորդը 852 մլն դոլարի չափով փոխհատուցում էր պահանջում:
Ըստ Gazeta-ի, Apple-ում այս դեպքն անվանել են ԱՄՆ պատենտավորման դատական համակարգի բարեփոխումների եւս մեկ ծանրակշիռ պատճառ, որն անհրաժեշտ է՝ սանձելու համար հայցերի հոսքն այնպիսի կազմակերպությունների կողմից, որոնք ոչինչ չեն արտադրում:
«Մենք հրաժարվում ենք վճարել այն գաղափարների համար, որոնց մշակումը մեր մասնագետների տարիների ինովացիոն գործունեության արդյունք է, բայց, ցավոք, մեզ, դատական գործող համակարգի դեմ պայքարելուց բացի, ընտրության հնարավորություն չեն տալիս»,- ասել է Apple-ի ներկայացուցիչը:
