Միջին վիճակագրական բրիտանացին օրական ընդամենը 41 րոպե է ծախսում նախաճաշի, ճաշի եւ ընթրիքի վրա, հաղորդում է The Daily Mail-ը՝ վկայակոչելով նոր հետազոտության տվյալները:
Միացյալ Թագավորության յուրաքանչյուր երրորդ բնակիչը խոստովանել է, որ արագ է ուտում աշխատանքի վայրում շատ զբաղված լինելու պատճառով:
Աշխատանքային սեղանի առջեւ նախաճաշում է հարցվածների 16 տոկոսը, ճաշում է 30 տոկոսը: Եվս 4 տոկոսը նաեւ ընթրում է աշխատավայրում:
Նախաճաշի վրա ծախսվում է մոտ 8 րոպե, ճաշի վրա՝ 13 րոպե 45 վայրկյան, իսկ ընթրիքի վրա՝ 19 րոպե 27 վայրկյան, հաղորդում է Gazeta-ն:
Գասթրոէնթերոլոգ դոկտոր Անթոն Էմանուելը նախազգուշացրել է, որ շատ արագ սնվելը, ոչ բավարար ծամելը կարող է մարսողական խնդիրների պատճառ դառնալ:
Հարցմանը մասնակցել է ավելի քան 2 հազար մարդ: Առավել հաճախ սնվելիս շտապում են 24-44 տարեկան բրիտանացիները: Նախաճաշի վրա նրանք ծախսում են 6 րոպե 35 վայրկյան: