Հարավային Կորեայի Գերագույն դատարանը չեղյալ է հայտարարել ամուսնական դավաճանության համար նախատեսված քրեական պատիժը։ Այս մասին գրում է «Ռենհապ» գործակալությունը։
1953թ. ընդունված օրենքի խախտման համար իրավախախտը կարող էր ազատազրկվել 2 տարով։ Տեղական լրատվամիջոցների տեղեկություններով՝ Հարավային Կորեայում այս ընթացքում դավաճանության համար ազատազրկվել է շուրջ 100 000 մարդ, գրում է Gazeta-ն։
Օրենքը չեղյալ հայտարարելու հնարավորությունն արդեն քննարկվում է դատարանում, սակայն, չնայած այն հանգամանքին, որ 2008թ. այդ առաջարկը պաշտպանություն էր ստացել 5 դատավորների կողմից, ամուսնական դավաճանությունը այնտեղ շարունակվում էր հանցագործություն համարվել։
«Ռենհապ» գործակալության տվյալներով՝ օրենքի չեղարկումը արտահայտում է փոփոխությունները հարավկորեական հասարակությունում, որտեղ սկսել են ավելի շատ գնահատել ազատ ընտրության իրավունքը։