Փետրվարի 11-ին, ժամը 23.10-ին, հիվանդանոցից ոստիկանության Բազումի բաժնում հաղորդում էր ստացվել, որ «գոտկային շրջանի եւ ձախ ձեռքի ծակած-կտրած վերքեր» ախտորոշմամբ բուժօգնության է դիմել 23-ամյա Էդիկ Մ.-ն:
Ոստիկանության մամուլի ծառայությունից հայտնում են, որ մեկնած օպերատիվ խմբին Էդիկ Մ.-ն հայտնել էր, որ վնասվածքները ստացել է Լոռվա խճուղու սկզբնամասում գտնվող ջրամաքրման կայանի մոտ վայր ընկնելու հետեւանքով:
Ձեռնարկված միջոցառումների շնորհիվ պարզվել է, որ Վանաձոր քաղաքի Լոռվա խճուղում գտնվող ջրամաքրման կայանի տարածքում, վիճաբանության ժամանակ, 24-ամյա Գաբրիել Պ.-ն ծալովի դանակով հարվածներ է հասցրել Էդիկ Մ.-ին` պատճառելով վնասվածքներ:
Քննությունը շարունակվում է: