Հայաստանում չկան կուսակցական հեռուստաալիքներ: Այս մասին, այսօր՝ փետրվարի 26-ին, ԱԺ-ում հայտարարել է Հեռուստատեսության եւ ռադիոյի ազգային հանձնաժողովի նախագահ Գագիկ Բունիաթյանը՝ պատասխանելով ՀԱԿ խմբակցության ղեկավար Լեւոն Զուրաբյանի հարցին:
Իր խոսքում Զուրաբյանը նկատել է, որ իշխող ՀՀԿ-ի վերահսկողության տակ են մի քանի հեռուստաալիքներ, մեկական հեռուստալիք ունեն ՀՅԴ-ն, ՕԵԿ-ը, ԲՀԿ-ն եւ միայն «Ժառանգությունն» ու ՀԱԿ-ը չունեն ալիքներ:
«Հայաստանում չկա ոչ մի կուսակցական ալիք: Ձեր տեղեկությունները չեն համապատասխանում իրականությանը»,-հայտարարել է Բունիաթյանը:
