Բաժանորդները կարող են մեկ SMS հաղորդագրությամբ գնահատել Beeline-ի սպասարկման որակը: Այս մասին փետրվարի 26-ին լրագրողների հետ հանդիպման ժամանակ հայտնեց «ԱրմենՏել»-ի (Beeline ապրանքանիշ) գլխավոր տնօրեն Անդրեյ Պյատախինը:
«Հետադարձ կապի մեխանիզմների շնորհիվ, հիմա նույնիսկ ընկերությունների թոփ-մենեջմենթն անմիջականորեն հաճախորդների հետ աշխատում է շարքային աշխատակիցների նման: Դա օգնում է ավելի լավ ընկալել իրավիճակը տեղերում, հասկանալ, թե ինչից են գոհ մեր բաժանորդները, ինչից՝ դժգոհ, եւ, ամենակարեւորը, ինչու»,- նշեց Պյատախինը:
Beeline-ի հաճախորդների սպասարկման որակի բարձրացման նախագծի ղեկավար Շուշանիկ Ղալթախչյանի խոսքով, ծառայության որակի գնահատման խնդրանք պարունակող SMS հաղորդագրություններին ավելի ու ավելի շատ բաժանորդներ եւ սպասարկման կենտրոնների այցելուներ են պատասխանում:
«Եթե անցյալ տարվա նոյեմբերի ընթացքում բաժանորդներից 4 հազարից քիչ պակաս SMS է ստացվել, ապա դեկտեմբերին՝ 4 հազարից ավելի, իսկ այս տարվա հունվարին նրանց թիվն անցել է 5 հազարից: Եվ սա այն դեպքում, երբ սպասարկման կենտրոններ ակտիվ այցելությունները սկսվել են տոներից հետո՝ հունվարի 12-ին: Մեր բաժանորդների կարծիքը շատ կարեւոր է մեզ համար, քանի որ բաժանորդի վստահությունն եւ հավատարմությունը բարձր արժեք է»,- նշեց Կալթախչյանը:
«ԱրմենՏել»-ը (Beeline ապրանքանիշ) հանրապետության խոշորագույն հեռահաղորդակցության օպերատորներից եւ հարկատուներից է:
